फोर्ड र दक्षिण कोरियाली ब्याट्री उत्पादन साझेदार एसके ओनले अमेरिकामा थप विद्युतीय सवारी उत्पादन ल्याउन राष्ट्रपति जो बाइडेनको दबाबको रूपमा अमेरिकी ऊर्जा विभागबाट ९.२ अर्ब डलर ऋण लिन सहमत भएका छन्।
फोर्ड र एसकेको संयुक्त उद्यम ब्लू ओभल एसकेले उक्त सरकारसँग लिएको कोषलाई तीनवटा इलेक्ट्रिक गाडी ब्याट्री प्लान्टहरू निर्माण गर्न प्रयोग गर्नेछ। उक्त ब्याट्री प्लान्ट दुईवटा केन्टकीमा र एउटा टेनेसीमा निर्माण हुनेछ। तीनवटा ब्याट्री प्लान्टहरू बाहेक, साइटमा इलेक्ट्रिक ट्रकहरू निर्माण गर्ने कारखाना पनि समावेश हुनेछ।
फोर्डले सन् २०२१ मा दुई राज्यमा विद्युतीय सवारी र ब्याट्री कारखाना बनाउने घोषणा गरेको थियो। त्यतिबेला कम्पनीहरूले आयोजनामा कुल ११.४ अर्ब डलर लगानी गर्ने बताएका थिए। यदि यो पूरा भयो भने यो अटो विशालका अनुसार सन् १९०३ मा कम्पनीको स्थापनापछि फोर्डले गरेको सबैभन्दा ठूलो सिंगल लगानी हुनेछ।
सरकारले दिएको उक्त ऋणमा केही शर्तहरु पनि छन्। यसको अर्थ फोर्डले अझै पनि कोष प्राप्त गर्नु अघि निश्चित आवश्यकताहरू पूरा गर्नुपर्छ। तर फोर्डले उक्त सबै ऋण प्रयोग गर्न नसक्ने पनि अनुमान गरिएको छ।
ऋण कोषले दुई राज्यहरूमा ५ हजार निर्माण कार्यहरूलाई समर्थन गर्नेछ। अन्ततः तीनवटा प्लान्टहरूमा ७ हजार ५०० कर्मचारीहरू राख्नेछन्। यसबाट लगभग १२ हजार पाँचसयले रोजगारी प्राप्त गर्नेछन्। यो ऋण अमेरिकी ऊर्जा विभागको हाइ टेक्नोलोजी सवारी साधन निर्माण ऋण कार्यक्रमको हिस्सा हुनेछ। तेलमा अमेरिकी निर्भरता घटाउन र कार्बनउत्सर्जन कम गर्न यसमा २५ अर्ब डलर लगानीको कार्यक्रम छ।
फोर्डले यसअघि सन् २००९ मा यस कार्यक्रम अन्तर्गत ५.९ अर्ब डलर ऋण लिएको थियो। उक्त ऋण गत वर्षसम्म पूर्ण रूपमा चुक्ता भैसकेको थियो। जनरल मोटर्सले गत वर्ष यस कार्यक्रम अन्तर्गत २.५ अर्ब डलर ऋण दिन सहमत भएको थियो।
यो ऋण सन् २०३० सम्ममा नयाँ सवारी साधनको बिक्रीको ५० प्रतिशतमा पुर्याउने बाइडेनको अमेरिकामा इभीको बिक्री बढाउने योजनाकै एक पाटो हो।
