पोखरा । तेइसौँ आहा रारा पोखरा गोल्डकपको उपाधि विभागीय टीम त्रिभुवन आर्मीले जितेको छ ।
तेइस वर्षको इतिहासमा आर्मीले पहिलो पटक उपाधि जितेको हो ।
पोखरा रंगशालामा आज भएको फाइनल प्रतिस्पर्धामा पाँच पटकको उपाधि विजेता थ्रीस्टारलाई ३-० गोलले हराउँदै आर्मीले उपाधि आफ्नो पोल्टामा पारेको हो ।
आर्मीलाई उपाधि दिलाउन टीम कप्तान जितेस्पीजंग कार्की, फत्तेमान घले र वसन्त जिम्वाले गोल गरेका थिए । कार्कीले खेलको ३८औँ र घलेले ८५औं र जिम्वाले ९४औं मिनेटमा गोल गरेका थिए ।
यो जीतसँगै आर्मीले १२ लाख एक हजार नगद पुरस्कार जितेको छ भने उपविजेतामा चित्त बुझाएको थ्रीस्टारले ६ लाख एक हजार प्राप्त गर्यो ।
प्रतियोगितामा एक विदेशी सहित १२ टोलीले प्रतिस्पर्धा गरेका थिए ।
कसले के पाए ?
वर्षोत्कृष्ट खेलाडी : विमल पाण्डे, आर्मी
सर्वाधिक गोलकर्ता : दिनेश हेन्जन, ३ गोल, आर्मी
फेयर प्ले : जावलाखेल
बेस्ट डिफेन्डर : विमल पाण्डे, आर्मी
बेस्ट मिडफिल्डर : विवेक पौडेल, थ्रीस्टार
बेस्ट फरवार्ड : जिलेप्सीजंग कार्की, आर्मी
बेस्ट किपर : समित श्रेष्ठ, आर्मी
बेस्ट कोच : मेघराज केसी, आर्मी
पब्लिक च्वाइस अवार्ड : भरत खवास (आर्मी) र अभिषेक बराल (थ्रीस्टार)
