चलचित्र सतीदेवी ४ साउनमा रिलिज हुने

सामाजिक कथानक चलचित्र सतीदेवी ४ साउनमा रिलिज हुने भएको छ । सार्वजनिक भएको फिल्मको साढे २ मिनेटको टिजरमा छोरा र छोरीबीचको भेदभाव तथा छोरीले परिवारका लागि उठाउने जोखिमलाई देखाउन खोजिएको छ ।

लक्ष्मण सुवेदीको लेखन, निर्माण र निर्देशनमा यो फिल्म तयार भएको हो । फिल्ममा मलिका महत मुख्य भूमिकामा छिन् । बाल कलाकार हर्षिका वली र मञ्जिला बानियाँ, कुलबहादुर अधिकारी, सिर्जना अधिकारी, रमेश बुढाथोकी, भोलाराज सापकोटा, सन्दीपबाबु लोहनीलगायत कलाकारहरूले यस फिल्ममा अभिनय गरेका छन् । फिल्मले यसअघि विभिन्न महोत्सवमा अवार्ड जितिसकेको छ ।