काठमाडौं। अमेरिकी चेन होटल कम्पनी विंडहाम नेपाल प्रवेश गरेको छ। इटहरीको ग्रान्ड सेन्ट्रल होटलले विंडहाम होटलको फ्रेन्चाइजी नेपाल ल्याएको हो।
ग्रान्ड सेन्ट्रलले शुक्रबार नयाँ दिल्लीमा विन्डहम होटल्स एण्ड रिसोर्ट्ससँग नेपालको इटहरीमा विंडहाम होटल बाइ रमाडा खोल्नका लागि फ्रान्चाइजी सम्झौतामा गरेको छ। इटहरीको होटल देशवन्धु बस्नेत(अजित)को हो। उनी नेपाल उद्योग वाणिज्य महासंघका पर्यटन तथा हवाई यातायात समितिका सभापति हुन्।
विन्डहम होटल्स एण्ड रिसोर्ट्स सँग ९५ देशहरूमा ८,९०० धेरै होटेलहरू सहित २४ ब्रान्डहरूको पोर्टफोलियो छ। रमाडा ६० ध्रै देशहरूमा ८५० भन्दा बढी होटलहरू भएको विन्डहम होटल्स एण्ड रिसोर्ट्स को मिडस्केल ब्रान्ड मध्ये एक हो।
सन् २०२४ मा यो होटल खोल्ने अपेक्षा गरिएको छ। यो नेपालका धेरै व्यापारिक केन्द्र र व्यावसायिक प्रतिष्ठानहरू नजिकै अवस्थित हुनेछ। होटलमा ८० कोठा, एक दिनभरी रेस्टुरेन्ट, एक बार र लाउन्ज, एक हेल्थ क्लब, स्पा र आउटडोर स्वीमिङ पुल हुनेछ।र
बस्नेतले इटहरीमा विश्वस्तरीय ब्राण्ड ल्याउन पाउनु गौरवको विषय भएको बताए।
