काठमाडौँ । नेपाल नागरिक उड्डयन प्राधिकरणले हिमालय एयरलाइन्सका तीन जना क्याबिन क्रुलाई बर्खास्त गरेको छ । उडानकै क्रममा रहेको जहाजभित्र नियम विपरीत फोटो खिचेको तथा भिडियो बनाएको आरोपमा प्राधिकरणले तीन जना विमान परिचारिका (क्याबिन क्रु मेम्बर) लाई कारबाही गरेको हो ।
आफ्नो आधिकारिक ट्विटर ह्याण्डलमार्फत सूचना सम्प्रेषण गरेको प्राधिकरणले ती क्याबिन क्रुहरुले उडानभित्रको फोटोग्राफी र भिडियोग्राफीमा क्यानको मापदण्डको गम्भीर उल्लङ्घन गरेको आरोप लगाएको छ । यद्यपि, बर्खास्तीमा परेका ती क्याबिन क्रुहरुको परिचय भने प्राधिकरणले गोप्य राखेको छ ।
