क्यानडामा १५ पटक रक्तदान गरेका कलाधर बी.के. सम्मानित

नेपाली जनसम्पर्क समिति क्यानडाका केन्द्रीय सदस्य कलाधर बी.के. लाई १५ पटक रक्तदान गरेको योगदानका लागि ओन्टारियोका एमपीपी दीपक आनन्दले सम्मान गरेका छन्। नेपाली जनसम्पर्क समितिले निरन्तर रुपमा प्लाज्मा रक्तदान कार्यक्रमहरु आयोजना गर्दै आइरहेको छ।

हालै सम्पन्न एक विशेष कार्यक्रममा एमपीपी आनन्दले समितिका केन्द्रीय सदस्यहरु र पदाधिकारीहरुलाई सम्मानका साथ विशेष भोजको आयोजना गरेका थिए। यस अवसरमा समितिका सदस्यहरुको रक्तदान र अन्य सामाजिक क्रियाकलापमा पुर्‍याएको योगदानलाई उच्च कदर गरिएको छ।

नेपाली जनसम्पर्क समिति क्यानडाका अध्यक्ष बुद्धि प्रकाश ओलीको नेतृत्वमा भएको यस कार्यक्रममा कलाधर बी.के. सहित समितिका अन्य सदस्यहरुको पनि योगदानलाई सराहना गरिएको छ।