१० औँ आईसीसी टी–२० क्रिकेट विश्वकप प्रतियोगिता आजदेखि शुरू भएको छ । उद्घाटन खेलमा सहआयोजक अमेरिका र छिमेकी क्यानडा बिहान सवा ६ बजे प्रतिस्पर्धामा उत्रिएका छन् ।
अमेरिकाले पहिले फिल्डिङ गरिरहेकाे छ । कप्तान मोनाक पटेलले टस जितेर फिल्डिङ गर्ने निधो गरेका हुन् ।
समूह ‘ए’को यो खेल अमेरिकाको डल्लासस्थित ग्रान्ड प्रेरी रंगशालामा भइरहेको छ ।
अमेरिका र वेस्ट इन्डिजको संयुक्त आयोजनामा हुन गइरहेको प्रतियोगिता नेपाली समयअनुसार जुलाई २ मा सकिँदैछ ।
प्रतियोगितामा २० टोली सहभागी छन् । आज साँझ सवा ८ बजे सहआयोजक वेस्ट इन्डिज र पपुवा न्युगिनीबीच प्रतिस्पर्धा हुनेछ ।
समूह ‘डी’मा रहेको नेपालले भने पहिलो खेलमा जुन ५मा नेदरल्यान्ड्ससँग प्रतिस्पर्धा गर्नेछ ।
नेपालको समूहमा दक्षिण अफ्रिका, श्रीलंका, बंगलादेशजस्ता टेस्ट राष्ट्र पनि छन् ।
