![](http://samacharbiz.com/wp-content/uploads/2024/02/pic-2-1707745118-1200x1000.jpg)
काठमाडौं। नेपालका लागि टिभिएस मोटरको आधिकारिक वितरक जगदम्बा मोटर्सले १ लाख एन्टर्क स्कुटर बिक्री गर्न सफल भएको छ। सोही अवसरमा कम्पनीले एनओजी राइड सफलतापूर्वक सम्पन्न गरेको छ ।माघ २७ मा आयोजित उक्त एनओजी राइड टिभिएसको नक्साल सोरुमबाट सुरु भएर शिवपुरीको द ग्रिन भ्याली रिसोर्ट पुगेर समापन भएको थियो।
एनओजी राइडमा सहभागीबीच विभिन्न गेम खेलाइनुका साथै उपस्थित करिब १०० राइडरमाझ परिचय र अनुभव आदानप्रदान गरिएको कम्पनीले जनाएको छ।
कम्पनीले सहभागी सबै राइडरलाई सहभागिताको प्रमाणपत्र बाँड्नुका साथै उक्त राइडमा स्कुटर राखेर १ लाखको सुन्दर आकार बनाइएको थियो। राइडमा हेड मार्शल गौरव पाठकले सडक सुरक्षाबारे विभिन्न जानकारी दिनुका साथै राइडरले अपनाउनुपर्ने नियम र सुरक्षा सावधानीबारे प्रकाशत पारेका थिए।
प्रोडक्ट हेड करुणा पुडासैनीले १ लाख सेलिब्रेसनबारे जानकारी दिएकी थिइन् भने मार्र्केटिङ डेपुटी जिएम विक्रम पौडेल र सेल्स हेड आषिर श्रेष्ठले सहभागीलाई स्वागत गरेको कम्पनीले बताएको छ।
टिभिएस एनटर्क बेस्ट–इन–क्लास पावर, पिक–अप र पर्फर्मेन्सका लागि लोकप्रिय छ। स्मार्ट टेक्नोलोजी, दमदार पर्फर्मेन्स र स्पोर्टी डिजाइनले टिभिएस एनटर्क ग्राहकको पहिलो रोजाइमा पर्न सफल भएको कम्पनीको दाबी छ। २०१८ मा नेपालमा लन्च भएको स्पोर्टी स्मार्ट स्कुटर टिभिएस एनटर्क १ लाख बिक्री भइसकेको हो।