![](http://samacharbiz.com/wp-content/uploads/2023/04/Nisha-Dangi.jpg)
२२ चैत, कामाडौं । सांसदहरुले संघीय संसद भवनभित्रकै शौचालयमा प्याड नभएको गुनासो गरेका छन् ।
बुधबार एक्सपोज नेपालले ललितपुरमा गरेको ‘महिनावारीको सवालः वर्तमान अवस्था र विधायकको भूमिका’ विषयक अन्तरक्रिया कार्यक्रममा सहभागी सांसदहरूले यस्तो गूनासो गरेका हुन् । उनीहरुले यी लगायतका समस्याहरुको समाधान गर्ने सार्वजनिक स्थलमा निःशुल्क प्याड उपलब्ध गराउन नीतिगत रुपमै पहल गर्ने पनि प्रतिवद्धता जनाएका छन् ।
राष्ट्रिय स्वतन्त्र पार्टीकी सांसद निशा डाँगीले संसद भवनभित्रै पनि शौचालयमा प्याड नभएको बताइन् । संसदसहित सार्वजनिक स्थलमा निःशुल्क प्याड पाइने व्यवस्था गर्नुपर्नेमा उनको जोड छ । नेपालमा उत्पादन हुने प्याडमा लाग्ने कर मिनाहा गर्न संसदमा पहल गर्ने पनि उनको प्रतिवद्धता छ ।
सांसदहरुले घरेलु प्याडको प्रवर्द्धनका लागि नीतिगत व्यवस्थाका लागि पहल गर्ने प्रतिबद्धता पनि जनाएका छन् ।